Трибина: Вистинското лице на пороците

Во организација на ЗГ Акција за Млади Делчево, а во соработка со Здравниот Дом Гоце Делчев, Подрачната единица на МВР во Делчево, Општина Делчево, Унија на Независни и Автономни Синдикати на Република Македонија-Организација на Жени при УНАСМ и Центарот за Култура Никола Јонков Вапцаров во Делчево, се одржа трибина со наслов "Вистинското лице на пороците". Трибината беше со информативно-едукативен карактер. Премиерно беше емитуван спотот на кампањата АЛАРМ-ПОРОЦИ во чии рамки Младинскиот Културно-Информативен Центар на Делчево ја спроведува со финансиска помош на Агенцијата за Млади и Спорт на Република Македонија.

Трибината продолжи со читање на писмо-исповед на еден наркоман во една од клиниките во Скопје, по преживеаната апстиненцијална криза. Понатаму продолжи со Презентацијате на оваа тема подготвена од членовите на ЗГ Акција за Млади Делчево, Д-р Соња Мавродиева, инспектор Миле Стоиловски, психолог Мика Илиева и претседателката на Организацијата на Жени при УНАСМ Дивна Змејковска. Посетата и одзивот кај граѓаните на Општина Делчево на оваа трибина беше недоволен со оглед на актуелноста на оваа тема во Делчево. секако за поздравување е фактот што на трибината присуствуваше градоначалникот на Општина Делчево г-дин Горан Малешевски кој секогаш манифестира спремност за развој на ваквите дебати кои задирнуваат длабоко во општественото живеење на граѓаните на Општина Делчево. Впрочем негова декларирана и програмски јасна определба е токму решавањето на проблемите со кои се соочуваат младите од Делчево, во нивното секојдневие. Погледни Промотивен спот на Youtube.

Jessica Alba во Денс издание

Сабота вечер -Party time (на делчевски начин)
Беше прекрасно да се види како младите од Делчево уживаат во денс ритамот на современата американска поп култура. Особено ако се истакне фактот што филмот Honey беше пуштен да тече без македонски превод. На прашање дали им пречи тоа на посетителите сите одговараа дека нема потреба од превод, бидејки филмот комуницира на едно друго ниво би се рекло со извесна доза на примитивен говор на телото начин. Целта секако се постигна. Пред филмот да биде пуштен се емитуваа hip-hop и R n' B спотчиња. Се на се Добар провод за младите кои се иритирани од " кафанскиот начин на перење на мозоци"што се случува во Делчево. Сепак Музиката од околните "кафани" особено онаа од рентаните простории во Центарот за култура Н.Ј. Вапцаров "бодеше" во уво со сета своја кич жестина и постојано беше појачувана повторно и повторно, на што наиде на презир од љубителите на добриот филм.
"kafana is dead; long live the rock n' roll"

Bruce Lee forever

Петок навечер во Делчево и не е некој ден за прикажување на филм (особено не некој стар од пред илјада и некоја), НО!!!
Брус Ли-идентитет кој сеуште трае, и не само тоа -блеска, на филмското платно понуди една прекрасна вечер на оние кои присуствуваа на Видео проекцијата на " Во змејовото грездо". се уште проткајува духот на оваа извонредна личност од сега би сакал да истакнам светската поп култура. Да, така е Поп култура. една ориентална филозофија и енергична појава на ќовекот кој се остави себеси на филмското платно, како симбол и олицетворение на идните генерации за се она што се нарекува "живеење на животот во вистинска смисла на зборот". Филмот сам по себе требаше да биде билет за влез на американскиот кино пазар. Наместо тоа Брус Ли влезе на голема врата и тоа онаму каде остави најголем впечаток: во срцето на оние кои засекогаш ке се секаваат на него-младите генерации, независно од која раса, националност и припадност се: Луѓе.
П.С. И не заборавајте " Бидете како водата Мои Пријатели".

The good the bad and the ugly

Вестерн шпагети не е некој комерцијален занр во денешното време но сепак, неповторливиот Серџо Леоне и секогаш актуелниот Енио Мориконе (особено по настапот на Охридско лето 2009) се секогаш атрактивни за гледање и воопшто консумирање од страна на новите генерации на поклоници на филмската уметност. Затоа се покрена оваа иницијатива за проекција на овој култен филм, можеби само поради големиот апетит за презентација на вистински вредности проткајани низ содржината на овој филм, можеби поради големината на ликовите извајани на филмското платно токму од носечките карактери и секогаш намќорестиот (во позитивна смисла ) Клинт Иствуд.
Се на се добар впечаток, посетеност околу очекувањета од страна на претежно млада публика и неодминливите проблеми околу организацијата го направија овој настан како еден од вредните за паметење-барем за оние кои беа...

Проекција на BARAKA пред домот на култура

Пред Центарот за култура Н. Ј. Вапцаров во Делчево се одржа кино проекција на филмот БАРАКА, во рамките на овогодинешното Делчевско Културно Лето. Поради временските неприлики посетеноста беше минимална со околу 70-тина посетители кои сепак имаа можност да уживаат во богатата и колоритна к-ија на овој документарен арт филм од 1992 година. по проекцијата бече пуштано музика од Делчевски млади автори и таленти. Настанот го организираа овогодинечните организатори на Делчевското Културно лето ЗГ Акција за Млади-преку програмската определба на Младинскиот Културно-Информативен Центар, Центарот за Култура Н. Ј. Вапцаров и Младински совет на Делчево.

Започна Делчевско културно лето

Во организација на
ЗГ АКЦИЈА ЗА МЛАДИ Делчево
ЗГ Младински совет на Делчево
Центарот за култура Никола Јонков Вапцаров
и Градоначалникот на Општина Делчево почитуваниот г-дин Горан Малешевски
синоќа на 08.07.2009 год. во 20.00 часот започна Делчевското културно лето 2009.
Манифестацијата започна со настанот IN MEMORIAM посветен на големата поп икона на современата музика Michael Jackson. Беше прикажан документарен филм со аудио и видео записи од огромната колекција на вакви дела што оваа легендарна личност им ги остави како наследство на многубројните фанови ширум светот. пеа поставени паноа на кои делчевските фанови можеа да остават своја порака за вистинскиот крал на поп музиката.
присутни беа околу 300-тини посетители кои и по завршување на регуларната програма бараа уште повеќе, но времето предвидено за настанот мораше да се испочитува, така кон 23.00 часот -ende.

p.s. уф-уф беше одлично. Дефинитивно Делчево заслужува вакви културни манифестации од било кој облик.